ಕೋದಂಡರಾಮಪದಪಂಕಜಚಂಚರೀಕ

ಅಕ್ಷೋಭ್ಯಪೀಠರಘುವೀರಕರಾಬ್ಜಜಾತ |

ತುಂಗಾಪಗಾನಿಕಟಮಾನವಿಕುಲ್ಯವಾಸಿನ್

ನಾರಾಯಣಾಖ್ಯಯತಿರಾಟ್ ತವ ಸುಪ್ರಭಾತಮ್

ಕಾರ್ತೀಕಕೃಷ್ಣದಿನಸಪ್ತಮಿಶುಕ್ರವಾರೇ

ಆನಂದವತ್ಸರರಸಗ್ರಹದಿಕ್ ಶಶಾಂಕೇ |

ವೈಕುಂಠಮೇತ್ಯ ಪಿಬತಿ ಸ್ಮ ಹರೇಶ್ಚರಿತ್ರಂ

ನಾರಾಯಣಾಖ್ಯಯತಿರಾಟ್ ತವ ಸುಪ್ರಭಾತಮ್

ಸೇನಾಧಿಕಾರಿಪದವೀಶ್ರಮವಿತ್ತಸಂಗ

ದೂರೀಕೃತಾಖಿಲಹಿತೈಷಿಜನಪ್ರಸಂಗ |

ಸಂಧೀಕೃತಸ್ಯ ರಘುವೀರನಿಜಾಂತರಂಗ

ನಾರಾಯಣಾಖ್ಯಯತಿರಾಟ್ ತವ ಸುಪ್ರಭಾತಮ್

ವೇದಾಂತವೇದ್ಯನಿಗಮಾಗಮಸಾಗರೋತ್ಥಂ

ದಾಸಾರ್ಯನಿರ್ಮಿತಹರೇಶ್ಚರಿತಸ್ಯ ಸಾರಮ್ |

ತುಂಗಾಂಭಸಾ ಮಿಲಿತಮಾನವಿಮಾನ್ಯಗೀತಮ್

ಶೃಣ್ವನ್ ತುತೋಷ ಯತಿರಾಟ್ ತವ ಸುಪ್ರಭಾತಮ್

ಪೂಜಾಂ ವಿಧಾಯ ನಿಜಮಾರುತಿಸನ್ನಿಧಾನೇ

ಸಂತರ್ಪ್ಯ ಭೂಸುರವರಾನ್ ಬಹುಧಾನ್ಯದಾನೈ: |

ನಾರಾಯಣಸ್ಯ ಚರಣಂ ಬಹುಮನ್ಯಮಾನ

ನಾರಾಯಣಾಖ್ಯಯತಿರಾಟ್ ತವ ಸುಪ್ರಭಾತಮ್

ಇತ್ಥಂ ಯತೀಶ್ವರನುತಿಂ ಪಠತಿ ಪ್ರಭಾತೇ

ವೃಂದಾವನೇ ಸಕಲಸಿದ್ಧಿಮವಾಪ್ಯ ಭಕ್ತ್ಯಾ |

ಲಾಭಂ ಜಯಂ ಚ ಲಭತೇ ಯದನುಗ್ರಹೇಣ

ನಾರಾಯಣಾಖ್ಯಯತಿರಾಟ್ ತವ ಸುಪ್ರಭಾತಮ್

ನಾರಾಯಣಾಖ್ಯಮುನಿಪುಂಗವಸುಪ್ರಭಾತಂ

ನಿರ್ಮೀಯತೇಽಲ್ಪಮತಿನಾ ಜಯವೇಂಕಟೇನ |

ತುಂಗಾಪಗಾ ವಹತಿ ಯಸ್ಯ ದಿಗಂತಕೀರ್ತಿಮ್

ನಾರಾಯಣಾಖ್ಯಯತಿರಾಟ್ ತವ ಸುಪ್ರಭಾತಮ್